«Жақсы кітап – өмірлік досың»
Бүгін 6 «б» сынып оқушылары кітапханаға экскурсия жасады.
Экскурсияның мақсаты – кітапханашының еңбегімен және оның маңыздылығымен танысу, кітаптарға деген сүйіспеншілікті және оларды күтіп ұстау мәдениетін қалыптастыру.
Оқушылар кітапхана ішін аралап, оның жағдайымен танысты, кітапхананың басты құндылығы – қызықты ақпараттар жинақталған кітаптар екенін білді. Кітапханашы Калкенова Ш. оқырмандарға кітапхананың қажеттілігі, кітаппен жұмыс ережелері туралы айтып берді.
Соңында балалар сүйікті журналдары мен кітаптарын қарап, олардың иллюстрацияларын тамашалады. Барлық оқушылар жақсы әрі ұқыпты оқырман болуға уәде берді.
