Жетекшілер: Акимова Н.А., Закирина Н.А.
Балалар саны: 8
Бағдарламаның мақсаты:
Оқушыларға театрды өнер түрі ретінде таныстыру, олардың шығармашылық қабілеттерін дамыту және театр өнері арқылы эстетикалық тәрбие беру.
Алғашқы сабақтар «Театр дегеніміз не?», «Театрдың қандай түрлері бар?» деген тақырыптарда әңгімелесуден басталды. Балалар театр өнерінің ерекшеліктерімен, оның бейнелеу өнері, мүсін, әдебиет сияқты басқа өнер түрлерінен айырмашылықтарымен танысты. Театрдағы мамандықтар (актер, суретші, композитор) туралы және театр декорациялары қалай жасалатыны жайлы білді.
Сахна тілі сабақтарында балалар әртүрлі интонацияларды қолдануды үйренді: қуанышты, мұңды, ашулы, таңғалған күйде сөйлемдерді айтуды тәжірибеледі. Олар өз серіктесін таңдап, диалогтар құруды үйренді. Сондай-ақ, эмоционалдық қабілеттерді дамытуға бағытталған этюдтер орындалды. Бұл тапсырмалар балаларға басқа адамның эмоциялық күйін түсінуге және өз сезімдерін дұрыс жеткізуге мүмкіндік берді.
Балалар кейіпкерлер арасындағы диалогтарды құруды, байланыстырып сөйлеуді, образды ойлау қабілетін дамытуды және рөлдерді бөлуді меңгерді. Үйірме сабақтарында балалардың коммуникативтік белсенділігін арттыру үшін қолайлы жағдайлар жасалды.
Арнайы ұйымдастырылған театрландырылған сабақтар оқушылар арасында серіктестік қарым-қатынас орнатуға мүмкіндік берді. Балалар театрдың әртүрлі түрлерімен танысты: көлеңке театры, үстел театры, саусақ театры, жалпақ театр, маска театры, жұмсақ ойыншық театры.
Шығармашылықты дамыту жұмыстары жүргізілді, балаларға театрландырылған ойындар мен қойылымдар ұсынылды, онда олар өздерінің артистік қабілеттерін көрсете алды.
