Мектебімізде оқушылардың ой-өрісін дамыту, логикалық ойлау қабілетін арттыру және білімге деген қызығушылығын ояту мақсатында «Бәрін білгім келеді» атты сайыс өткізілді. Сайыс барысында қатысушылар кроссвордтар шешіп, ребустарды құрастырып, әртүрлі логикалық тапсырмаларды орындады.
Шараға әртүрлі сынып оқушылары белсене қатысып, өз білімдерін сынауға мүмкіндік алды. Логикалық тапсырмалар олардың есте сақтау қабілетін, жылдам ойлау дағдыларын дамытты. Сонымен қатар, бұл сайыс оқушылардың топтық жұмыс істеуіне, өзара көмек көрсетуіне және тапқырлығын көрсетуіне ықпал етті.
Сайыс соңында жеңімпаздар марапатталып, барлық қатысушыларға сертификаттар табысталды. Осындай интеллектуалдық ойындар оқушылардың шығармашылық қабілеттерін дамытуға және олардың білімге деген сүйіспеншілігін арттыруға үлкен үлес қосады.
