Жобаның мақсаты – Қазақстанда балалардың шығармашылық дамуына жағдай жасау және олардың кітап оқуға деген қызығушылығын арттыру.
«Оқитын мектеп» жобасы оқуға деген жоғары мәдениетті қалыптастыруға бағытталған. Оқырмандық сауаттылықты дамыту Қазақстан мектептеріндегі білім беру үдерісінің басым бағыттарының бірі болуы тиіс. Балалардың кітап оқу арқылы қоршаған әлемді танып-білуге, оқуға деген қызығушылығы мектеп қабырғасынан бастап қалыптасуы керек. Ал кітапхана осы қызығушылықтың орталығы, кітаптар әлеміне жетелеуші орын болуы қажет.
